أحمد موسى: بحيرة فطناس تحولت إلى خرابة
أحمد موسى: بحيرة فطناس تحولت إلى خرابة
أكد الإعلامي أحمد موسى؛ أن بحيرة فطناس في واحة سيوة كانت تعد أحد المزارات السياحية التي تجذب السياح المصريين والأجانب.
وقال موسى خلال برنامج "على مسؤوليتي" المذاع على قناة "صدى البلد": "الكام يوم اللي فاتو كان عندنا مشكلة في بحيرة فطناس في واحة سيوة؛ والبحيرة كانت تجذب سياح؛ مصريين وعرب وأجانب كانوا بيقعدوا في لحظة الغروب".
وأضاف: "البحيرة على مساحة كبيرة جدا والماية كانت نضيفة وجميلة وناس قاعدة بتستمع بلحظات الغروب وناس بيصتادوا وياكلوا عيش ويبدوا أن الاهتمام بالبحيرة مكانش كبير الفترة اللي فاتت".
وتابع: "حصل بعض المشاكل الخاصة بالصرف الزراعي وبالتالي حدث ارتفاع في منسوب الماية اللي أثر على الأراضي الزراعية في الواحة والمشكلة موجودة من سنوات".
وواصل: "سيوة فيها أبار وعيون وأماكن للشرب والري وتعبئة الماية وحتى السياحة العلاجية كان ليها عشاق ولما حصل اهمال تحولت البحيرة الساحرة إلى بركة ملوثة".
وأكمل: "الروائح الكريهة بتفوح منها والأسماك ماتت؛ في سياح بيسألوا هو ايه اللي حصل عندكم؟ ناس كانت بتيجي تقضي يوم هناك؛ واضح أن حصل أزمة في تجفيف هذه البحيرة وأدت إلى مشاكل كبيرة".
واختتم: "الناس اللي هناك بتشتكي ودي ملهاش علاقة بالتغييرات المناخية دي إجراءات اتعملت بطريقة معينة؛ الجزيرة الساحرة تحولت إلى بركة ملوثة وبقت خرابة".
