نشأت الديهي يرد على نجيب ساويرس: "اعقل شوية"
نشأت الديهي يرد على نجيب ساويرس: "اعقل شوية"
أكد الإعلامي نشأت الديهي؛ أن الدولة سبقت المجتمع بخصوص تطبيق المواطنة لافتا أن جميع المواطنين متساويين أمام القانون بغض النظر عن معتقداتهم.
وقال الديهي خلال برنامج "بالورقة والقلم" المذاع على قناة "تن": "المواطنة كانت كلمة بتتقال من ناس مصدروهاش للناس كويس؛ كلمة المواطنة أن مفيش فرق بيني وبينك ألا بعملك ومسؤولياتك؛ لما يجي يتقبض على واحد ماشي عكس بالعربية هل الضابط بيسأله أنت مسلم والا مسيحي؟".
وأضاف: "معتقداتك ليك ولا يجب أن يكون هناك تمييز؛ الدولة وإدارة الدولة سبقت المجتمع وراحت في حته تانية والمجتمع لسه في مكانه وفي تلبك ثقافي في المجتمع".
وتابع: "في عندي عسر هضم ثقافي ومعرفي في المجتمع؛ مجتمعنا ناقصه شوية رواد ثقافيين يغيروا ثقافة المتجمع أول حاجة عايز أوصل فكرة المواطنة ودولة المواطنة وتطبيق المواطنية مش كلام سياسة بنقوله".
وواصل: "زي ما جالي نجيب ساويرس بردو يقول نفسي ألاقي وزير الهجرة مش مسيحي؛ اللي بيرشح واحد رئيس المحكمة الدستورية العليا والا النقض حد بيسال؟ المشكلة في انطباع موجود وثابت وراسخ ومخبيينه".
وأكمل: "رئيس المحكمة الدستورية العليا؛ أعلى سلطة قضائية في مصر المستشار بولس فهمي مسيحي؛ أيه ياعم نجيب؟ أنا عايز الناس تعقل بجد الناس اللي هما أطفال في تفكيرهم نعقل شوية اللي ماسكين شمع وممكن يولعوا نعقل شوية".
واختتم: "عايزين نرتقي؛ محتاجين نغير ثقافة المجتمع في حاجات كتير؛ مثلا ثقافة الخلفة والعزوة وثقافة الشهادات؛ محتاجين نتغير؛ ثقافة الاستهلاك عايزين نغير ثقافاتنا ونبدأ في منظومة قيم جديدة".
