أحمد موسى يرد على شائعات نقل ماسبيرو إلى العاصمة الجديدة
أحمد موسى يرد على شائعات نقل ماسبيرو إلى العاصمة الجديدة
علق الإعلامي أحمد موسى؛ على شائعة نقل مبنى الإذاعة والتلفزيون "ماسبيرو" إلى العاصمة الإدارية الجديدة وتحويل المبني إلى مول تجاري.
وقال موسى خلال برنامج "على مسؤوليتي" المذاع على قناة "صدى البلد": "قالك إن ماسبيرو هيروح العاصمة الإدارية الجديدة؛ مبنى ماسبيرو أنت متخيل هتوديه العاصمة الإدارية ازاي يعني؛ قالك هيودوه العاصمة عشان ايه؟ عايز يعمل ربكة".
وأضاف: "ممكن يبقى جزء زي الهيئة الوطنية للأعلام ليها مبنى هناك؛ والهيئات والصحافة موجود ليهم مبنى والمبنى مياخدش 200 واحد؛ هتنقل ماسبيرو ازاي يعني؟ أنتوا عارفين ماسبيرو دة ايه؟ دا دولة دانت تتوه في ماسبيرو".
وتابع: "الدور الواحد في ماسبيرو قريب من ربع مدينة الإنتاج الإعلامي؛ دا مبنى رهيب؛ ممكن أودى بعض الموظفين لكل الاستوديوهات؛ كل استوديو وكام قطاع؛ وكام موظف؛ ماسبيرو فيه 25 ألف موظف هتنقل المبنى ازاي والتجهيزات اللي بمليارات".
وأكمل: "ماسبيرو دة عمله الرئيس عبد الناصر وخلصوه في وقت قياسي خلال سنتين وتم افتتاحه في يوليو سنة 1960 في الذكرى الثامنة لثورة يوليو".
واختتم: "ماسبيرو بتتكلم على تاريخ أنقل ماسبيرو هتنقله ازاي يعني؟ المبني تاريخي والتلفزيون تاريخ بلد وذاكرة الدولة المصرية وشهد أحداث كثيرة دانت تعمل متحف من الحاجات الموجودة عنده؛ مش موضوع مبنى أنا بتكلم عن داخل ماسبيرو والتجهيزات اللي فيه دي حاجات فريدة من نوعها".
