تامر حسنى عن حفله بالإسكندرية: «عينى مكانتش عارفة تجيب آخر الجمهور» (فيديو)
تامر حسنى عن حفله بالإسكندرية: «عينى مكانتش عارفة تجيب آخر الجمهور» (فيديو)
أعرب النجم تامر حسني عن فخره وسعادته بالعدد الضخم من جمهوره الذي حرص على حضور حفله الغنائي الذي أحياه، أمس، داخل أحد الأماكن بمحافظة الإسكندرية.
ونشر تامر حسني مقطع فيديو يتضمن مقتطفات من الحفل عبر حسابه الرسمي بموقع التواصل الاجتماعي “فيسبوك” وعلق عليه قائلا: “في إسكندرية إمبارح مكانتش حفلة كان حدث مش عادي بجد عيني مكانتش عارفة تجيب آخر الجمهور حضوركم الكريم ده هفضل فخور بيه طول عمري، تشرفت بتقديمي لـ١٣ موهبة مصرية من مختلف محافظات مصر وفعلاً كسروا الدنيا بأصواتهم اللي فوق الرائعة وعازف الساكس الصاعد المتميز اللي قدمته وموهبته كانت مفاجأة كبيرة للجمهور”.,
وأضاف: “فخور بالتنظيم أدهم بكري الشاب الجميل الإسكندراني اللي كان بيحبني من وهو ١٥ سنة، وقولتله لو بتحبني أوي لازم تنجح ووعدني إنه هينجح والنهارده عنده ٣٠ سنة ومن كبار منظمي حفلات إسكندرية، ويكون صاحب الحفل الأضخم في تاريخ حفلات مصر، بشكر رجال الأمن كل الشكر مجهود عظيم في دخول وتأمين عدد خرافي زي دا لحد دلوقتي مفيش كاميرات عرفت تصور الجمهور رغم كل الصور دي بس قريب هينزل تقرير كبير عن الحفله هيكون أوضح إن شاء الله”.
واختتم المنشور قائلا: “شكراً طلاب الإسكندرية حبايب قلبي شكراً لكل شعب إسكندرية العظيم الراقي المحترم شكراً لكل الوحوش اللي تعبوا في المسرح الكبير ده وإخراج الحفله بالشكل العظيم دا اللي يليق بإسكندرية وشعبها”.
يذكر أن النجم تامر حسني يعرض له حاليًا فيلم «بحبك»، بدور العرض السينمائية في مصر والوطن العربي وحقق نجاحًا كبيرًا، والذي يشهد أولى تجاربه الإخراجية فى السينما، وهو من تأليفه وبطولته، ويشارك معه البطولة كل من :«هنا الزاهد، وحمدي الميرغني، ومدحت تيخة، وهدى المفتي، أحمد عزمى، وتميم عبده، وسمر محمد متولى».
