علق الإعلامي أحمد شوبير على تعاقدات النادي الأهلي المحلية في انتقالات الصيف الحالية بعد استقرار الإدارة على عدم ابرام صفقات محلية أخرى.
وقال شوبير في تصريحات إذاعية صباح اليوم الثلاثاء "الاهلي في انتظار انهاء صفقتين أجنبيتين منتظرتين لاعب فوق السن ولاعب تحت السن".
وتابع "تعالى افكرك بالي قولته قبل كدة، من البداية قلت صفقات الأهلي المحلية مش هتبقى تقيلة وتخض، شادي حسين ومصطفى سعد انضموا للأهلي والتعاقد مع لاعبين صغيرين فكر كويس في النادي للمستقبل".
وأضاف "انا مكدبتش عليك في حاجة لما قلت كدة لان البعض كان غاضب لما كنت بقول كلامي ده، شادي ومصطفى لعيبة كويسة جدا بس زمان كان بينضم ابو تريكة ولا رضا عبد العال كنت بتتخض لما تسمع اسمعهم لعيبة تقيلة".
وواصل شوبير "بس هم دول الي موجودين في الساحة، اتقل اسم هو احمد سيد زيزو ومن بعده رمضان رغم ان الموسم الماضي مقدمش موسم كويس".
