أكد أحمد سامي المدير الفني لنادي سيراميكا كليوباترا أنه كان الأخطر في مباراة الزمالك ولاحت له العديد من الفرص للتسجيل ولكن غاب عنه التوفيق.
وقال سامي في تصريحات تلفزيونية عقب نهاية المباراة والخسارة أمام الزمالك بهدفين نظيفين "تفصيلة صغيرة في التغطية وفي اول 10 دقائق نستقبل هدف وضعنا تحت ضغط اننا عاوزين نرجع ونتعادل".
وتابع "الزمالك لجأ للاستحواذ السلبي في الخلف وكرات طويلة لزيزو، الزمالك لم يهدر فرص أنا اهدرت فرص أكتر بكتير وهدفين ملغيين وحتى الهدف الأخير للزمالك كان انفراد لمحمد ابراهيم لو سجله كنا اتعادلنا".
وأضاف "الزمالك كان محظوظ جدا في المباراة وده موجود في الكورة، المستويات متقاربة بين اللاعبين في رأيي وبشكر اللاعبين ولكن احنا بنتطلع نكسب كل مباراة".
وواصل سامي "الزمالك بطل الدوري اه ولكن اللعيبة كلها مستواها قريب من بعض، الخبرات والكلام ده حاجات انشا، ولا خبرات ولا حاجة، زيزو وغيره لعيبة كويسة لكن الموضوع مش خبرات، الموضوع توفيق وعدم توفيق".
مختتمًا تصريحاته "لو كنت سجلت الفرص الي جاتلي مكانش هيتقال خبرات وكان هيتقالي كلام تاني، مبروك للعيبة الزمالك وبشكر لعيبتي على الأداء خلال المباراة، انا نفسي يبقى عندي حظ فيريرا، محظوظ جدا وبعد كدة هبقى اسلم عليه واخد الحظ منه".
