أعرب السويسري مارسيل كولر المدير الفني للفريق الأول لكرة القدم عن غضبه من الأداء الذي قدمه الفريق في مباراة الاتحاد السكندري في الدوري الممتاز، رغم الفوز الذي حققه الفريق بثلاثية نظيفة.
وقال كولر في المؤتمر الصحفي بعد المباراة: "احنا كسبنا 3/0 بس لعبنا وحش جدا وكان الأداء سيئًا لكن حاجة كويسة اننا وحشين وكسبنا".
وأضاف: "أكبر مشكلة كانت عندنا هي التركيز رغم اني بتكلم فيها من قبل المباراة لكن اللعيبة دخلت في الماتش مفيش تركيز وبين الشوطين اتكلمت معاهم انهم يحاولوا يرجعوا تركيزهم ويدخلوا في المباراة".
وواصل: "الشوط الاول بينتهي بضربة جزاء بنشكر الشناوي انه صدها بندخل اوضة اللبس بنتكلم مع اللعيبة على التركيز نبدأ الشوط التاني كأن الكلام متسمعش بيعملوا خطأ في التركيز غلطة مننا احنا بتتسبب في ضربة جزاء تانية بتصعب علينا الأمور".
وأتم كولر حديثه: "التركيز مكانش موجود دي حاجة لازم هنشتغل مع اللعيبة فيها ولازم اللعيبة تشتغل عليها.. بكرة هنقعد كلنا (الجهاز الفني واللاعبين) مع بعض هنتفرج على الماتش تاني.. الكلام هيبقى للكل مش لاعب بعينه".
