رمضان 2023 بالڤيديو.. “خْرَافات عاشْتْ مْعَانا” -17- “عقوبة الدوش بالليل”
رمضان 2023 بالڤيديو.. “خْرَافات عاشْتْ مْعَانا” -17- “عقوبة الدوش بالليل”
في كل دار مغربية، كاين بزاف ديال العادات والتقاليد للي كتميزها على الديور الأخرى، لكن بعد الاعتقادات كاينة بين جل الاسر، وكبرنا واحنا كنسمعوها، فما يمكنش تكون مغربي وماسمعتيش مك ولى أختك ولى شي واحد من العائلة تيقول ليك مادوش بالليل، ما تكبش الماء في القادوس بالليل، ما تصفرش في الدار، عنداك راه صباطك مقلوب، وغيرها من الأساطير الغريبة لي كبرنا معاها، ولي مزال البعض في هذ الوقت كيآمن بها.
ورغم ان الاجيال الجديدة وعات ومباقتش كتآمن بالعديد من هاد الخرافات، والعلم تفوق على كل الاعتقادات الغريبة، وكاين لي كاع ما عاقل عليها او ما عرفهاش من الجيل الجديد، ولكن استحضار هاد العادات، غادي يخلينا ننبشو في التراث الشفوي والعادات ديالنا، حيت وخا ما نآمنوش بها، كتبقى جزء من تراثنا اللامادي ومنها اعتقاد عواقب “عواقب الدوش بالليل” موضوع الحلقة 17 من برنامجنا الرمضاني.
