أكد السويسري مارسيل كولر المدير الفني للفريق الأول لكرة القدم بالنادي الأهلي، على سعادته الكبيرة بتأهل الفريق إلى نصف نهائي دوري أبطال إفريقيا، بعد تخطي عقبة الرجاء المغربي في ربع النهائي.
وقال كولر في المؤتمر الصحفي بعد المباراة: "سعداء جدا بالتأهل، كانت مباراة صعبة كما توقعنا، الشوط الأول مكناش جيدين لعدم وجود ثقة من اللاعبين لعدم الاستحواذ على الكرة، خصوصا ان المنافس كان بيضغط بشكل قوي".
وأضاف: "في نهاية الشوط الأول تم احتساب ركلة جزاء حظنا كويس انها ضاعت، الشوط التاني كنا افضل وأهدى، وعندنا استحواذ على الكرة أفضل، وفي نهاية المباراة خلقنا فرص للتهديف لو كان هناك بعض التركيز في اللمسة الاخيرة كان ممكن نحرز أهداف".
وأكمل: "الجزء الأكبر من ظهورنا بشكل متراجع في الشوط الأول بسبب الرجاء، لأنه لعب كويس هو أجبرنا على كدة كان شرس جدا في الضغط مكانش سايبلنا مساحات ولا وقت للتمرير كنا بنفقد الكورة بسهولة جدا، ومكانش معندناش جرأة اننا ننقل الكورة، اتكلمنا مع اللعيبة بين الشوطين الأداء كان افضل في الشوط التاني".
وأردف: "بقالي فترة شوفت الاستاد مليان في مصر مرتين الجماهير انهاردة عظيمة جدا ومتعطشة لفوز فرقتها اجواء عالمية وعظيمة جدا".
وعن احتمالية تسجيل الرجاء للهدف الأول قبل انتهاء الشوط الأول، قال كولر: "كنت هقول للعيبة نفس اللي قولته بين الشوطين اننا نكون اهدى في الكورة منتأثرش بالهدف، نلعب الكورة بتاعتنا يكون عندنا جرأة في نقل الكورة ومنفقدش الكورة بسهولة بدون داعي بالعكس كنت هقولهم يهدوا اكتر لو الجول دخل فينا".
