رسميًا.. «مرتضى منصور» يعلن اعتذار الزمالك عن المشاركة في كأس السوبر المصري
رسميًا.. «مرتضى منصور» يعلن اعتذار الزمالك عن المشاركة في كأس السوبر المصري
أعلن مرتضى منصور، اعتذار الزمالك عن المشاركه في بطولة السوبر المصري أمام الأهلي ، وذلك بعد تعنت اتحاد الكرة ضد الزمالك في مواقف عديده وآخرهم إيقاف الهارب كهربا.
وقال مرتضى منصور في تصريحات عبر مقطع فيديو على قناته على يوتيوب :”مجلس الإدارة بالإجماع قرر الاعتذار مش الانسحاب من بطولة السوبر في الإمارات “.
وشدد :”اتحاد الكورة اللي خسر كل البطولات داخل حرب مع الزمالك رغم أن عاملين نفسهم زملكاوية جمال علام وبركات وحازم عاملين نفسهم زملكاوية”.
وأتم :”الموضوع مش كهربا بس ولكن الموضوع بدء من إيقاف القيد وأنا رايح أتحايل عليهم وهما بعنجهية بيرفضوا ، انت معين مش منتخب عشان تعمل معانا كده وتحرمنا من لاعبين مؤثرين في افريقيا والدوري” .
أعلن مرتضى منصور، أسباب القرار التاريخي باعتذار الزمالك عن المشاركه في كأس السوبر المصري أمام الأهلي يوم الجمعة المقبل .
وقال مرتضى منصور في تصريحات عبر قناته على اليوتيوب:”مجلس الإدارة بالإجماع قرر الاعتذار مش الانسحاب من بطولة السوبر في الإمارات” .
وشدد :”وبعدين الأهلي يقولي لجنة الانضباط مش قانونية، أمال روحت اشتكتني ليه قصادها يا محمود يا خطيب ولا هو أي كلام وخلاص” .
وواصل :”وبعدين أنت جايبلي حكام مصريين ، هو أي المهزلة دي يا جماعة عاوزين تعملوا زي حكام السلة وتطرد الولد وهو مش شايف الخط؟” .
وأردف :”احنا اتخذنا القرار ومفيش رجعه فيه وإحنا ما دام دخلنا حرب نكملها و أنا قولت ما دام نزلت الملعب منسحبش”.
واستطرد :”وبعدين في صحفي قال إن جمال علام اتصل بالخطيب وقاله متقلقش إحنا عقوبه كهربا مش هنفذها إلا بعد السوبر وهنقلل العقوبة من ١٢ ل ٦ ، هو احنا هنقعد ساكتين كمجلس إدارة” .
وأضاف :”وبعدين كل الضغوط اللي بتمارس عليا إننا هنحل المجلس ، وهنبعت لجان تفتيش ، أنا بقعد اضحك على الكلام ده”.
وأتم :”إحنا بنعتذر لكل جمهور الزمالك وأهل الامارات اللي قطعوا تذاكر ، اتحاد الكوره هو اللي بوظ الدنيا “.
