“البكر” يكتب عن إنهاء أزمة التجنيس
“البكر” يكتب عن إنهاء أزمة التجنيس
تعليقا على أزمة اللاعب أحمد فؤاد، كتب الدكتور إبراهيم البكر، رئيس الاتحاد الاسيوي للكاراتيه التقليدي منشورا عبر حسابه بموقع التواصل الاجتماعي قائلا:
عاوز تقضي على مشكلة التجنيس
١- مكافآت اللاعبين تكون مباشرة من الوزارة الي اللاعب من غير ما تعدي علي الاتحادات الرياضية
٢- لاعبو منتخب مصر يكون ليهم امتيازات محترمة مادية ومعنوية مكتوبه وتعهد من الاتحادات بتنفيذها ويكون في رقابة قضائية عليها
٣- توعية اللاعبين وتنمية الانتماء للبلد من خلال معد نفسي محترم و حضور ندوات ومحاضرات وورش عمل متخصصة في هذا الشأن
٤- عدم وجود أي تحيز في اختيار لاعبين المنتخب نهائيا من ادارة الاتحاد او الجهاز الفني او المدربين اللي مسيطرين علي مجلس ادارة الاتحاد “اصحاب الجمعية العمومية”
٥- التصفيات تكون من خلال حكام معتمدين وذو خبره كبيرة لانتقاء افضل العناصر من خلال بطولة علنية
٦- معاقبة المخالفين معاقبة حاسمة من غير محسوبيات
٧- انتقاء مدربين منتخب ذو خبره فنيه وكفاءة مش اصحاب الجمعيات العمومية والمحسوبيات والسبوبة والبزنس
٨- اشراف كامل علي المنتخبات من الوزارة و اللجنة الاوليمبية ومحاسبة ادارة الاتحاد علي اي تقصير
٩- متابعة جميع معسكرات المنتخبات ونتيجتها
١٠- عدم اقصاء خبراء الاتحادات والفنيين والكفاءات من اجل مصالح ادارة الاتحادات الشخصية.
11- اسمعوا للاعبين و مشاكلهم ويتم عمل خطة واضحة لحل جميع المشاكل وتكون من خلال لجنة من الوزارة و الاتحاد علشان المتابعة و الرقابة والتاكد ان كل مشاكل اللاعبين بتتحل بشكل سليم
هتلاقي ابنك معاك ومش هيسيبك بالعكس هيقف معاك وفي ظهرك
للاسف دا مش اول واحد ومش هيكون اخر واحد
وكان أحمد فؤاد لاعب مصر فى المصارعه ، سافر للمشاركة في بطوله فى تونس وحاز على الميدالية الفضية وكسب جائزة قيمتها ١٦ الف جنية لم يحصل منها إلا على ألفي جنيه، فهرب أحمد فؤاد إلى أوروبا بحثا عن التجنيس.
