الشناوي: اختيار مصطفى شوبير لمباراة سان جورج موفق
الشناوي: اختيار مصطفى شوبير لمباراة سان جورج موفق
أكد المحلل الرياضي حمادة الشناوي، أن الدفع باللاعب مصطفى شوبير حارس مرمى الأهلي الثاني غدا أمام سان جورج الإثيوبي في دوري أبطال أفريقيا اختيار موفق.
وذلك لعدة أسباب منها الأهلي فائز في مباراة الذهاب بثلاثة أهداف للاشئ، كما أن هذا الموسم به ضغط مباريات كبير ويحتاج لمشاركة ” أوفا” مع الشناوى الحارس الأساسي.
وكتب حمادة الشناوي: ” عين العقل أن اوفا شوبير يلعب ماتش سان جورح بكرا، لأنه الحارس رقم 2 ولازم يشارك”.
أولا الماتش مش محتاج كسبان 3 صفر وحتى لو الماتش محتاج اوفا لعب نهائي افريقيا قصاد الوداد وسط حضور جمهوري غفير وكمان أجاد.
ثانيا الأهلي متوقع أن يخوض الموسم ده فوق ال 65 ماتش ده غير الارتباطات الدولية، هل طبيعي أن الشناوي يلعبهم كلهم؟ مستحيل.
فبنسبة كبيرة شوبير هيشارك في لازم يشارك بترتيب معين عشان يكون موجود في الفورمة طول السيزون ووقت ما يحتاجه الأهلي.
شوبير عنده 24 سنة ومعدل لعبه كماتشات قليل جدا ف لازم ياخد على الأقل 30 ٪ من الماتشات وده في الأهلي يعادل موسم في أي نادي آخر.
شوبير كلنا نعلم امكانياته وقدراته الفنية اللي تؤهله إنه يكون حارس الأهلي خلال سنوات قليلة.
