محمد فارس: أول هزيمة للأهلي في الدوري بمستوى هزيل لا يناسب بطل
محمد فارس: أول هزيمة للأهلي في الدوري بمستوى هزيل لا يناسب بطل
حقق البنك الأهلي الفوز الأول له على الأهلي خلال لقاءاتهم بالدورى الممتاز، وأكد المحللين الرياضيين أن مستوى الأهلي لايمكن أن تستوعبه.
وكتب الإعلامى الرياضي محمد فارس ” أول هزيمة للأهلي في الدوري في مستوى مستحيل تستوعبه إلا لو اللي كان بيلعب ضدنا باللون ده كان منتخب هولندا.
من اول الموسم بنقول فريق بحجم الأهلي لازم يبقى عنده على الأقل ٤ مدافعين جاهزين طول الوقت، وفي يناير كان لازم نضم مدافع .
طيب خلاص اتزنقت ليه بنلعب بعمر كمال قلب دفاع وهو اصلا لسه مدخلش التشكيل بشكل اساسي عشان كمان يلعب في غير مركزه وعندك محمد هاني لعبها مع الأهلي كتير .
معرفش ليه بنريح لاعيبة مش مجهدة بشكل كبير مع ان داخلين على توقف دولي هل بنريحهم للمنتخبات !!!
الخط اللي ورا كله بالكامل ارتكب اخطاء كارثية لا يمكن تقبلها في فريق بحجم الأهلي لما تستقبل ٤ اهداف في ماتش واحد وانت قبلها في ٧ ماتشات كاملين استقبلت ٥ اهداف بس.
البنك بيرجع على الأهلي ٣ مرات في ماتش بعد ما يبقى متقدم ثم يسجل الرابع ! . ده سيناريو مش فاكر امتى ممكن اكون شوفته بيحصل للأهلي من فريق مصري.
اما البنا وال VAR فاللي اتعمل انهاردة يسحب رخصة ال VAR في مصر وفضيحة وعار . واللعبة متحسبتش تسلل على الشحات . ولازم يكون في موقف قوي ضد التحكيم وإلا هتتظلم تاني وتالت ورابع.
مفيش حاجة تبرر نتيجة انهاردة ولا شكل ومستوى الدفاع اللي سمح للبنك يسجل فيك ٤ اهداف منهم ٣ اهداف في نص ساعة !!!!!! .
للإسف كان لازم كولر يفكر انه ينهي اخر ماتش له قبل التوقف بشكل مختلف تماما ولكن انهاردة كان في تكبر وتعالي على الكورة من اول التشكيل لحد الاداء وكل حاجة حصلت بعدها فلازم تتعاقب وتدفع الثمن.