نجوى المالحي-كود//
كشفات المنشطة زينب صابر على سبب دخولها للمغرب من تونس لي مستقرة فيها مع راجلها التونسي، وقالت أن عندها تورناج برنامج “ستاند آب” ديال الضحك لي كيدوز في القناة الأولى.
والتبركَيكَة لي جابت “كود” أن التورناج غادي يبدا السيمانة الجاية، وحاليا بداو الاستعدادات باش كلشي يدوز بيخير خصوصا أن التصوير هاد العام غادي يكون في ظروف استثنائية مع ڤيروس كورونا.
المنشطة السابقة ديال برنامج “تغريدة” خلات ولدها مع باه في تونس باش تدخل تخدم على راسها.
وبزاف ديال الناس لي كيتفرجو فيها ولي كيعرفوها كيسولو كيفاش هي مستقرة برا وكتدخل تخدم في بلادها، وهادشي جاوبات عليه سابقا وقالت انها مغربية ومن حقها تخدم هنا وأنها لاسباب عائلية مستقرة في تونس.
