شقيق ضحية الإسماعيلية يكشف مفاجأة عن الجاني: "متربي في بيتنا"
شقيق ضحية الإسماعيلية يكشف مفاجأة عن الجاني: "متربي في بيتنا"
كشف حسن شقيق المجني عليه في جريمة الإسماعيلية؛ تفاصيل مقتل شقيقه ذبحا على يد أحد الأشخاص في أحد شوارع المدينة.
وقال حسن في مداخلة هاتفية لبرنامج "على مسؤوليتي" المذاع على قناة "صدى البلد": "الراجل رايح يجيب فطار لعياله ومنعرفش غير جالنا تليفون أن أخوك متوفي ومدبوح والجاني كان بيشتغل معانا في الموبيليا الاستعمال وملوش علاقة باخويا أحمد خالص وهو يعرف أنه أخونا بس".
وأضاف: "مفيش أي مشاكل بينا وكان لسة قاعد معانا بيقول عنده شوية شغل وعايز يبيعهم قلتله صورهم وابعتهولي واللي يمشي معايا هاخده".
وتابع: "الجاني متربي في بيتنا كنا بنعتبره واحد من عيالنا وأخويا الكبير هو اللي علمه الشغلانة وكان بيدخل بيوتنا وأخويا أحمد راجل تعبان بالكبد ومريض".
وأوضح: "بقالي 5 أيام مشفتش أخويا إحنا في بيت عيلة واحد وهو سمكري سيارات وحاليا بياخد شوية حاجات من الخردة ويفرش في سوق الجمعة ويبيع".
واختتم: "أخويا عنده 7 أولاد منهم اتنين متجوزين وأصغرهم 5 سنوات وأكبرهم 25 سنة توأم ومفيش مصدر دخل للأسرة غير شغله دة أحنا مصدومين لحد دلوقت ليه جات فيه هو وأحنا بنطلع على أكل عيشنا وملناش في المشاكل".
