عْصَير يوم أرقبت طِعسٍ بدالي

هَمّ ٍ يلا يِعني وهَمّ ٍ يزلّي

في ماقعٍ ماسوم ٍأول وتالي

غرب الحمودية شمال المصَلّي

عليه من نوء الثريا مدالي

ومن العقارب جاه وبلٍ يعِلّي

في مرقبي متذَكّرٍ وش غدالي

وعندي خبر ما طاب لي ما حصَل لي

ما شِفت ما عَيّنت بالقفر خالي

رِجلِي تسوج وْخاطري مستمِلّي

شفت المراح وتَو ما ضاق بالي

وهلّت دموعي واقف ٍ في محلّي

يا دار وين اللّي يحاض الدلالي

اللّي لِيَا جاء المسَيّرِ يِهَلّي

شعر: نايف بن رشيد الفريدي الحربي