والد بسنت ضحية الابتزاز المنتحرة يكشف عن رسالتها الأخيرة قبل وفاتها
والد بسنت ضحية الابتزاز المنتحرة يكشف عن رسالتها الأخيرة قبل وفاتها
أكد خالد شلبي؛ والد بسنت ضحية ابتزاز الصور المفبركة أن نجلته متفوقة دراسيا وكانت حافظة للقرآن الكريم وكافة أهالي القرية يحبونها.
وقال شلبي في مداخلة هاتفية لبرنامج "كلمة أخيرة" المذاع على قناة "أون": "في يوم الأيام كان راجعة من الدرس وشكلها متغير لونها متغير والدموع في عينيها كنت ساعتها عرفت الموضوع من الانترنت واستنيتها في البيت وسألتها في اية قالتلي مفيش حاجة".
وأضاف: "قلتلها في صور ليكي على الانترنت قالتلي مش صوري ومفبركة؛ وفي فيديو لجسم من غير وش وجسم سمين عن بنتي أنا عارف بنتي وعارف أخلاقها كويس وأنا مزعقتلهاش وأنا مسكت نفسي بالعافية لما الواحد شاف صور كدة ويتقال أنها صور بنتك".
وتابع: "أمها اتحققت من الصور والجسم سمين عن بنتي؛ وأنا شفت الصور من خلال الناس والناس قالتلي بنتك صورها منتشرة على الانترنت وأنا هديتها ورحت أصلي رجعت قالولي بنتك مغمي عليها وخدت سيارة ورحنا على مستشفى الجامعة وإحنا في الطريق قالتلي أنت عارف أخلاقي وأن اللي عامل الصور دي عشان عايزين تقابلهم وأنا قلتلها أنا عارف أنه مش انتي".
وأكمل: "في مدرس بتاخد عنده درس قالها كويس يا بسنت أنتي بقيتي مشهورة عالميا زي كذا وكذا والبنت روحت منهارة من الدرس".
وأوضح: "الجواب كتبته قبل ما تاخد الحباية وقالتي أسامي الولاد اللي عملوا كدة واحنا رايحين على مستشفى الجامعة وتاني يوم فاقت شوية كدة وبعدين تعب ونقلناها مستشفى خاصة وتوفت بعد وصولها بساعة".
واختتم: "قدمنا بلاغ في النيابة العامة بالواقعة اللي حصلت كلها دا اسمه قتل معنوي ووالدتها تعبانة وكل ما يتكرر الكلام يغمي عليها والحبة اللي اخدتها معرفش جابتها منين وأنا مأجر الأرض بتاعتي ومبنجبش الحاجات دي في البيت".
