شقيق عريس الإسماعيلية يعتذر للصحفية مصورة الواقعة
شقيق عريس الإسماعيلية يعتذر للصحفية مصورة الواقعة
كشف الصحفية أميرة عبد الحكيم؛ مصورة فيديو واقعة عريس الإسماعيلية عن تلقيها تهديدات من عائلته مؤكدة أنها تعرضت لاعتداءات لفظية من شقيقة العريس.
وقالت عبد الحكيم في مداخلة هاتفية مع برنامج "أخر النهار" المذاع على قناة "النهار": "أنا كنت موجودة في منطقة السلطان حسين وبالصدفة سمعنا صوت واحدة بتصوت في الشارع لقينا عروسة مرمية في الشارع وواحد بيحاول يدخلها العربية".
وأضافت: "احنا كنا فاكرين أن مغمى عليها واتضح بعد كدة انه بيضربها وبيكومها جوة العربية وشتيمة وألفاظ خارجة وأي حد يدخل يقولوا دي مراتي ومحدش يدخل".
وتابعت: "لما استوعبنا أنها محتاجة مساعدة وكان واقف معها اخواتها الصغيرين واختي قالت أنا هنزل وانا قلت هصورلها دقيقتين واخت العريس شتمتني وغلطوا في أهالي الإسماعيلية ".
وأوضحت: "أنا سمعتهم في فيديوهات بيقولوا احنا عرفنا اللي صور الفيديو وهنجيبه ونحاسبه بطريقنا وغير أني اتشتمت وأهالي الإسماعيلية اتشتموا وقالوا عليهم إنهم بتوع حوارات".
من جهته قال مروان شديد العريس صاحب الواقعة أن ما حدث لا يتعدى سوء تفاهم بين الطرفين لافتا أن الأمور انتهت والزوجان سافرا إلى شرم الشيخ.
وأكمل: "حصل اختلاف بين عبد الله وبين العروسة واتصعبوا على بعض شوية واديقوا والموضوع انتهى وبنبص على السوشيال ميديا لقيت الدنيا مقلوبة".
وواصل: "بيقولها اركبي العربية الناس بتتفرج عليها؛ وفي النهاية دي بنت عمي وانا مستفاد اية أني انكد على نفسي قبل ما انكد عليها؟ دا سوء تفاهم ودا اللي حصل الناس الكبيرة أدخلت ورتبا الأمور ورحنا القاعة والعروسة راحت البيت".
وعن التهديدات التي وجهت للصحفية قال مروان: "دي بنت بلدنا واحنا ممسناش احنا كنا زعلانين بس واحنا اسفين ان حد قالك كلمة احنا كنا تعبانين".
