طلب الإعلامي أحمد شوبير من رمضان صبحي لاعب نادي بيراميدز التركيز أكثر مع الفريق وزيادة حصيلة أهدافه بعد تراجع مستواه في الفترة الماضية.
وقال شوبير في برنامجه الإذاعي صباح اليوم الأربعاء "رمضان مازال عصبيا بقوة، يعني خبرات السنين الي اخدها رمضان، وده الموسم التاني له مع نادي بيراميدز، المفروض تعرف تتعامل".
وتابع "حط في ودانك قطن بقى علشان تعرف تركز، جماهير الأهلي بتعشق ناديها وبتحبه، الجماهير لم تتطاول ولم نرى سب بالأب أو الأم".
وأضاف "متقدرش تمسك حاجة في الهتافات على جماهير الأهلي، كلها حاجات عن الفلوس وهتافات بدون سباب أو تجاوز".
واختتم شوبير تصريحاته "لحد ما تخلص مع بيراميدز واذا كنت مكمل او رايح الزمالك، لازم تركز 100%، اهدافك قلت وتواجدك مع المنتخب قل، هل ده بسبب انك سبت الأهلي؟ الله أعلم".
