عمرو أديب عن تطبيق قرارات الأوقاف: خلوا الناس تكمل الصلاة
عمرو أديب عن تطبيق قرارات الأوقاف: خلوا الناس تكمل الصلاة
علق الإعلامي عمرو أديب؛ على الفيديوهات المتداولة عن قيام بعض الموظفين التابعين لوزارة الأوقاف بالتدخل لإيقاف الصلاة بسبب مخالفة المسجد للقواعد التي وضعتها الوزارة.
وقال أديب خلال برنامج "الحكاية" المذاع على قناة "أم بي سي مصر": "تم تداول أن في مجموعات من موظفي وزارة الأوقاف تقوم بالتفتيش ليلا على بعض المساجد للتأكد من تطبيق قرارات وزارة الأوقاف؛ القضية أن دي مساجد وزارة الأوقاف وانت دخلت لقيت الناس مطولة في صلاة التراويح".
وأضاف: "يكمل صلاته يكمل الشعائر وبعدين هات الإمام المسؤول وقوله لو سمحت بكرة متعملوش الكلام دة المسألة ببساطة لأن شكلها سيء لما يتقال إن في لجان تفتيش من الوزارة بتدخل وتفض الصلاة؛
وتابع: "هي جامع أو اتنين؛ أنا عارف إن وزارة الأوقاف مش دا اللي بتفكر فيه؛ هي إجراءات احرازية وتنظيمية؛ أحنا مش بنكلم عن جوامع في بلد تانية".
وتابع: "أنت بتتكلم عن جوامعك وتحت إدارتك؛ أنت باعت مجموعة من الناس بتفتش ولقيت الراجل صلي بيهم نص ساعة ؛ تقوله لو سمحت بلاش دة تاني؛ احنا فهمنا قرارات الوزارة ولكن طريقة التطبيق أن يبقي في ناس بتصلي وحد يدخل يقول وقف؛ المسألة أثارت الاستياء".
وواصل: "ممكن في مشكلة في طريقة تطبيق القرارات وأنا عارف أن دي تصرفات فردية وفي بشر نازلة تطبيق القرارات واحنا في عصر السوشيال ميديا؛ وأي مصل ممكن يكون معاه موبايل وبيصور وتبقى جوامع كلها شغالة وبتصلي ويجي على حالة فردية ويقولك ألحق بيمنعوا الصلاة".
واختتم: "أرجو استخدام العقل واللين والسماحة مع هذا الأمر؛ محصلش مصيبة كبيرة؛ مفيش كارثة؛ لو سمحت يا مولانا أرجوك بكرة متعملش كدة؛ أنما أدخل وقف أمنع لا ميستقمش الأمر".
