مدحت تيخا يوجه رسالة لتامر حسني: «حبيت أقول للناس اللي عملته معايا»
مدحت تيخا يوجه رسالة لتامر حسني: «حبيت أقول للناس اللي عملته معايا»
حرص الفنان مدحت تيخا على شكر تامر حسني بعد عرض فيلم «بحبك» الذي يشارك فيه معه وينافس خلال موسم عيد الأضحى المبارك 2022.
فيلم بحبك بطولة تامر حسني
وكتب «مدحت» رسالة وجه فيها الشكر إلى الفنان تامر حسني عبر حسابه الشخصي على موقع التواصل الاجتماعي «فيس بوك» وعلق: «تامر حسني.. أنا لازم أقول قدام الناس كلها إنك أحسن نجم أنا اشتغلت معاه من الجانب الإنساني.. اختيارك ليا واهتمامك الكبير بيا في كل حاجة من أول أجري ودوري في الفيلم وشكلي على الأفيش واسمي في التترات مفيش حد بيعمل كدة خالص إلا إنت عشان كدة ربنا بيحبك لأنك فعلا إنسان عظيم ونضيف وبتعمل خير من قلبك بجد مش مجرد شو إعلامي».
وتابع: «يعني اللي عملته معايا ممكن محدش يعرفه خالص لو أنا مقولتش وبالرغم من كدة عملته معايا وأنا دلوقتي بمحض إرادتي بقول للناس كلها أهو اللي عملته معايا عشان فعلا إنت تستحق إني اشكرك قدام كل الناس اشكرك جدا يا حبيبي ربنا يوفقك ويسعدك وتحقق كل اللي نفسك فيه يارب واكتر كمان بإذن الله».
أبطال فيلم بحبك
يقف الفنان تامر حسني على بطولة فيلمه الجديد بحبك بمشاركة مجموعة كبيرة من الفنانين منهم هنا الزاهد، حمدي الميرغني، هدى المفتي، مدحت تيخا، شهد الشاطر، عالية راشد، وعدد آخر من الفنانين والفيلم من تأليف وإخراج وإنتاج تامر حسني في تجربة جديدة عليه.
وكان الفنان تامر حسني أقام عرضًا خاصًا لفيلمه نهاية الأسبوع الماضي ونشر مجموعة من الصور ومن العرض الخاص عقب انتهائه ووجه الشكر للكثير وينافس الفيلم أفلام كيرة والجن بطولة كريم وعز وفيلم عمهم لمحمد إمام.
