تامر أمين يعلق على منع بعض المنشآت السياحية دخول المحجبات
تامر أمين يعلق على منع بعض المنشآت السياحية دخول المحجبات
علق الإعلامي تامر أمين؛ على منع بعض المنشأت السياحية للسيدات المحجبات بالتواجد بداعي أن اللوائح في المنشأة لا تسمح بذلك.
وقال أمين خلال برنامج "أخر النهار" المذاع على قناة "النهار": "لوحظ في الشهور الأخيرة في الصيف وفي بعض الأماكن أن في أسرة أو مجموعة شباب داخلين مطعم أو مكان يفاجئوا أن الأستاذة والأستاذة ممنوع يدخلوا عشان محجبات ولما يسألوا ليه يقولهم معلش المكان لوايحه كدة".
وأضاف: "أنا مش عارف الحقيقة دة أسمه ايه مش عارفلة معني ولا أسم ولا قانون ولا أي حاجة أبدأ وعشان كدة أنا سعيد جدا غرفة المنشأت السياحية مطلعة تحذير واضح أي شكل من التمييز لاي سبب من الأسباب سيلاحق المكان بعقوبة شديدة قد تصل إلى سحب الترخيص".
وتابع: "أي شكل من اشكال التمييز لنزلاء المكان ممنوع منعا باتا؛ طالما فاتح محل عام عشان تسترزق منه؛ اللي معاه تمن الخدمة اللي بتقدمها تقوله أهلا وسهلا".
واختتم: "أنت بتعاقب المحجبة ليه عشان ملتزمة أنت بتعاقب المحجبة عشان ملتزمة بدينها أنها متدخلش المطعم اللي عندك؟ أنت ليك الشرف والبركة أنها تدخل في أي حتة".
