هاني حتحوت: فاركو رفض انتقال صبحي إلى الأهلي على عكس رغبة اللاعب
هاني حتحوت: فاركو رفض انتقال صبحي إلى الأهلي على عكس رغبة اللاعب
كشف الإعلامي هاني حتحوت؛ تفاصيل انتقال محمد صبحي؛ حارس نادي فاركو إلى نادي الزمالك مشيرا إلى أن هناك غموض حول هذه الصفقة.
وقال حتحوت خلال برنامج "الماتش" المذاع على قناة "صدى البلد": "القصة فيها حاجة غامضة شوية؛ بدأت القصة أنه في عهد حسين لبيب رئيس اللجنة المعينة لأدارة نادي الزمالك أعلن عن انتقال محمد صبحي حارس الفريق على سبيل الإعارة بنية البيع".
وأضاف: "الأهلي كان عايز محمد صبحي ورئيس الزمالك قال إن اللاعب رفض العودة للفريق وفجأة اللاعب عاد للزمالك وكأن اللي كان بيحصل دة قصص واهية".
وتابع: "القصة فيها حاجة محتاجة تتعرف؛ الأهلي كان عايز محمد صبحي والأهلي خاطب إدارة فاركو بطريقة أنتوا هتفعلوا بند الشراء واحنا هندفع ونديكو لاعيبة ونخده".
وواصل: "فاركو قال كده أنه هيكون كوبري ودا ضد مبدأ أحنا حاطينه والأهلي قال خلاص تلات حراس مشاركاتهم كدة مع الفريق وأغلق ملف حارس المرمى طالما فاركو قافلها واحنا ارتاحنا خلاص وفي الوقت دة رئيس الزمالك نشر صورة شيك وقالك إن فاركو بعت صورة ومش الأصل".
وأكمل: "الجديد بقي يخليك تقول هو فيه ايه في القصة؟ ومحمد صبحي بيقول أنا رجعت لبيتي في نادي الزمالك؛ ما نعلمه أن محمد صبحي كان عايز الأهلي وإدارة فاركو قالت لا وأن فضلت متمسك برغبتك في أنك تروح الأهلي مش هنفعل بند الشراء أساسا وساعتها جات في مخ محمد صبحي فكرة طيب مانا أرجع الزمالك".
وأوضح: "من أيام ظهر الزمالك من جديد في الصفقة واتكلموا مع اللاعب فباتت الرغبة قوية جدا الزمالك عايز محمد صبحي وصبحي مش عايز يكمل في فاركو".
واختتم: "فاركو أخطر الزمالك أنه يحق للنادي تحويل الإعارة لبيع نهائي؛ وأرسل لاتحاد الكرة وللزمالك أنه هيفعل البند؛ وفاركو عرض على صبحي تفعيل بند الشراء ويبدوا أنه طلب مبلغ كبير بالنسبة ليهم".
