تحدث سيد عبد الحفيظ مدير الكرة بالنادي الأهلي عن إمكانية ارتداء علي معلول شارة قيادة الفريق الأول لكرة القدم بالقلعة الحمراء تكريما لدوره مع الفريق.
وقال عبد الحفيظ خلال حديثه عبر قناة النهار: "أنا ضد تكريم على حساب أصول محبش اعمل كدة خالص عندنا كابتن الفريق وعندنا ترتيب وأسس وحاجات تاريخية في الفريق لكن مش كل واحد كبير في الفريق شرط يكون كابتن".
وأضاف: "علي معلول من اللعيبة الكبيرة جدا في الفريق وبنعتبره مصري أهلاوي خالص مخلص ممكن تشوف دموع لعلي في حالة التعادل أو الخسارة".
وأتم سيد عبد الحفيظ حديثه: "علي معلول في عام 2019 أمام طلائع الجيش ضيع ضربة جزاء وبعدين جاب جول في الاخر كان بيعيط ده أهلاوي ومعجون بماية الأهلي لكن أنا ضد التكريم على حساب مبدأ في النادي".
