تحدث عدلي القيعي، رئيس مجلس إدارة شركة كرة القدم بالنادي الأهلي، عن مسيرة الجنوب إفريقي بيتسو موسيماني مع الفريق الأحمر، خلال الفترة التي قاد الفريق خلالها.
وقال القيعي خلال حديثه عبر قناة النهار: "موسيماني صايع كورة، عنده فكر كروي عالي جدا ولكنه يستخدمه الاستخدام التجاري، عندي ماتشات مهمة عندي كاس عالم تبان شطارته ويجهز وكل حاجة، لكن في الحاجات العادية بيهدى".
وأضاف: "راح مننا موسمين (دوري) ميروحوش، التحكيم كان له تأثير كبير لكن انت ساعدت التحكيم ده انه يقرص عليك، لما تكون كويس ميبقاش قرار او اتنين في المباراة يخسروك فتستحملهم زي ماتش السوبر الأخير ليك ضربة جزاء مؤكدة بتاعت حسين الشحات، لما تكون كويس تتحمل ان الناس تأثر عليك سواء الاعلام او جماهير".
وأكمل: "الموسمين اللي فاتوا مع موسيماني كانوا مليانين تناقض نجاحات هايلة جدا، فايلر سلمه فريق واخد الدوري وراح كاس العالم عمل حاجة حلوة".
وواصل: "هو نجح في حاجات وكان يقدر ينجح أكتر، موسيماني لو كان ركز في الحاجات البسيطة زي ما كان بيركز في الحاجات الكبيرة كان عمل تاريخ غير مسبوق هو قادر على هذا بس هو نفسه تفكيره راح في حتة تانية".
وأتم القيعي حديثه: "اظن انه ابتدى يقول ايه النادي اللي عاوز يكسب على طول ده اعتبر ان ده نوع من الضغوط الناس دي مش هتقولي شكرا ابدا كل ما اكسب هيقولي فكر في اللي جاي هي حاجة متعبة بس هي خاصية الأهلي كدة تميزه كدة".
