أكد الرئيس عبد الفتاح السيسي، أن الدكتور محمد شاكر وزير الكهرباء يقدم له تقرير شهري عن حجم سرقات الكهرباء في مصر، قائلا: "السرقات مش بتقل وفي مليون حادثة سرقة كهرباء كل شهر وبقالنا 96 شهرا ب69 مليون واقعة والكهرباء اللي بيدفع ربع ثمنها الناس مش عايزة تدفعها".
وأوضح الرئيس السيسي، خلال تعليق بمؤتمر حكاية وطن، أن هذه المخالفات تتسبب في أزمة وعدم توفير المتطلبات اللازمة بسبب السرقات، مضيفا: "أنا بحكي الحكاية وبسيب لكم الحكم.. الكهرباء بيدفع ربع ثمنها والناس مش عايزة تدفعها".
وتابع: "لو احنا بننتج السولار والبنزين بتاعنا يقل ثمنه عن السوق العالمي 2 جنيه أو أكثر عشان التعويم ولما بجيب مشتقات بترول وبعملها في بنية التكرير والمصافي اللي عندنا اللي كانت متهالكة واصبحت بكفاءة عالية، وكنا نمتلك بنية اساسية متهالكة بمجال الطاقة"
