محمد فارس: طالبوا الأهلي بالبرونزية ومتصنعوش مبررات
محمد فارس: طالبوا الأهلي بالبرونزية ومتصنعوش مبررات
يلتقي فريق الأهلي مع فريق أوراوا الياباني للعلب على المركز الثالث والميدالية البرونزية بكأس العالم للأندية التي تستضيفها السعودية وتختتم فعالياتها غدًا، كما تقام مباراة النهائي بين مانشستر سيتي وفلومينيسى البرازيلي.
وبعد الغضب الساد الشارع الأهلاوي بعد الهزيمة أمام فلومينيسي عاد الإعلامى الرياضي محمد فارس يطلب من الجماهير أن تطالب الفريق بالميدالية البرونزية.
وكتب: “طالبوا الفريق بالبرونزية ومتصنعوش مبررات، في ٢٠٢٢ جبنا البرونزية على حساب الهلال السعودي وبنتيجة تاريخية ٤ / ٠ وبتحكيم مثالي ادى لك حقك وطرد ٢ لاعيبة من الهلال
البطولة دي كسبنا الاتحاد السعودي في قلب السعودية بثلاثية والحكم حسب لنا ركلة جزاء صحيحة مبكرة في الدقيقة ٢١ سجلنا منها الهدف الأول
لو في حد عايز يعطلك بسبب أمور خارج الملعب او صراعات برا الكورة مكنش هيبقى عنده أهم من الماتشين دول يعطلك فيهم بالتحكيم ايا كانت النتيجة او ايا كان اللي هيتقال بعدها .
سهل أقول كلام يريح الناس واعلق شماعات . ولكن الشماعات دي هتبقى سبب اكيد لخسارة البرونزية لانها هتدي مبرر لأي لاعب يحس أن في قرار مسبق بخسارته البرونزية زي ما البعض بدأ يردد كلام يضر الفريق مش يفيده.
أنت اتظلمت تحكيميًا في ماتش فلومينينسي وأنا مع إن أي ظلم تحكيمي ليك تشاور عليه وتتحرك رسمي وتاخد موقف إنما في نفس الوقت مش مع إن ده ياخد أكبر من حجمه وندخل القصة في إن أصل هنخسر عشان موقفهم من كذا أصل هنخسر عشان فلان قال مياخدوش البرونزية . ده كلام يهد أي فريق مش يساعده.
الفريق مطلوب منه يكون قد المسؤولية ويعوض الجمهور أن بعد ما كان حلمه نهائي نقدر نلعبه بقى حلمه البرونزية. فجمهور الأهلي مفترض ميقبلش أي تفريط فيها ولا يسمح بأي مبررات.
