وجه أحمد شوبير الإعلامي بقنوات أون تايم سبورتس انتقادًا لمحمود عبد الرحيم جنش حارس مرمى فريق مودرن فيوتشر قبل مباراة فريقه أمام الأهلي.
ويلتقي الأهلي ومودرن فيوتشر في السابعة مساء اليوم الخميس، في نهائي بطولة كأس السوبر المصري، والمحدد إقامتها على ستاد محمد بن زايد بنادي الجزيرة.
وقال شوبير خلال حديثه عبر قناة أون تايم سبورتس: "عندي عتاب على جنش هو عنده زعل وعنده مرارة هو شايف أنه يستحق أنه يكون على الأقل من الحراس السبعة اللي تم الإعلان عنهم للانضمام للقائمة المبدئية لمنتخب مصر قبل كأس الأمم الإفريقية".
وأضاف: "لكن يا جنش أنت كابتن فريق مودرن فيوتشر وأنت لعيب تقيل ولعيب كبير والناس بتثق فيك ثقة كبيرة جدًا كلمة أنا هندي وأنا مش عارف ايه ده مش مجاله المؤتمرات الصحفية".
وأكمل: "أنت بتتكلم على المباراة والاستعدادات والدنيا شكلها ازاي وبتتكلم على فريقك ممكن تقول انك مستغرب أن في لعيب واحد من مودرن فيوتشر في القايمة اه من حقك تقول هذا الكلام".
واختتم شوبير حديثه: "لكن هنا الكلام لازم يكون بميزان وحساب لأنك كابتن الفريق لما تتكلم خلي بالك لأن ده مهم جدًا".
