وجه سيد معوض نجم النادي الأهلي ومنتخب مصر السابق، رسالة قوية لحازم إمام عضو مجلس إدارة الاتحاد المصري لكرة القدم على الهواء.
وقال سيد معوض خلال حديثه عبر قناة دي إم سي: "لازم أوجه رسالة لحازم إمام عضو مجلس إدارة اتحاد الكرة".
وأضاف: "حازم اتكلم مع كابتن شوبير ومقالش اسمي بس أنا عارف أنه بيتكلم عليا عاوز اقوله سهل جدا اطلع حاجات كتير جدا ومواضيع كتير جدا بس أنا مش هعمل كدة".
وأكمل: "مش خوفًا من حد أنا مبقلقش من أي حد مهما كان منصبه بس علشان الرسول عليه الصلاة والسلام له حديث أنه من صفات المنافقين إذا خاصم فجر يعني لما اتخانق مع حد اطلع اقول عليه واتكلم عليه بس أنا مش هعمل كدة".
واختتم سيد معوض حديثه: "عمري ما هغلط في حد عاشرته أو كلت معاه عيش وملح قدام الناس دي رسالة بحب أوصلهاله".
