جين مانسفيلد

جين مانسفيلد (Jayne Mansfield) (19 ابريل 1933 - 29 يونيو1967) ممثلة بورنوجرافية امريكية ، اسمها الحقيقى ڤيرا چين پالمر (Vera Jayne Palmer) .

حياتها

جين مانسفيلد اتولدت يوم 19 ابريل 1933 فى مدينة برين ماور بولاية بنسيلفانيا الامريكية ؛ وفى سنة 1950 خلصت دراستها الثانوية وبعد كده بدأت تظهر كموديل عريان لحساب مجلة Playboy وسافرت لمدينة اوستين بولاية تكساس وهناك اشتغلت برضه موديل عريان بس كان لحساب طلبة كلية الفنون .

جين مانسفيلد فى لقطة من فيلم !Promises! Promises

فى شهر فبراير 1958 اشتغلت جين مانسفيلد رقاصة استربتيز فى كباريه Tropicana Las Vegas فى مدينة لاس ڤيجاس بولاية نيفادا .

دخلت جين مانسفيلد فى مجال البورنوجرافى عن طريق السينما بعدما مضت عقد مع شركة 20th Century Fox ومثلت أكتر من 25 فيلم اشهرهم !Promises! Promises سنة 1963 .

جوازاتها

جين مانسفيلد اتجوزت تلات مرات : جوزها الاولانى كان مدير علاقات عامة اسمه پاول مانسفيلد (Paul Mansfield) اتجوزته سنة 1950 وخلفت منه بنتها الكبيرة الممثلة جين مارى مانسفيلد (Jayne Marie Mansfield) بعد كده اتطلقت منه سنة 1958 ، اما جوزها التانى فكان الممثل ولاعب كمال الأجسام الراحل ميكى هارجيتاى (Micky Hargitay) واتجوزته سنة 1958 وخلفت منه ولدين اسمهم ميكلوش (Miclos Hargitay) وزولتان (Zoltan Hargitay) وبنت واحدة هى الممثلة ماريسكا هارجيتاى (Mariska Hargitay) بعد كده اتطلقت منه سنة 1964 ، وأخيرا جوزها التالت كان المخرج توفي كيمبر (Matt Kimber) اللى اتجوزته سنة 1964 وخلفت منه ولد واحد اسمه انطونيو(Antonio Kimber) .

وفاتها

فى يوم 29 يونيو1967 جين مانسفيلد عملت حادثة بعدما عربيتها اتخبطت بعربية رش مبيدات فى مدينة سليديل بولاية لويزيانا وماتت فى ساعتها متأثرة بالإصابات اللى حصلتلها نتيجة الحادثة دى .