كود اسماء غربي ///
هاد الصحافية ديال “فرانس 24” بالعربية بنت طنجة دنيا نوار هي المسؤولة على المسار اللي مشات ليه الحلقة ديال البارح اللي استضفات حنان رحاب وخالد البكاري.
خالد البكاري كان رزين هادئ. قدم تحليلو للوضع الحالي. وضع مخيف اللي خلى حتى ناس ماشي معارضين يوقعو على عريضة فيها أكثر من 400 فنان ومثقف مغربي بيانا دانوا فيه “قمع” الناشطين والصحافيين المستقلين و”التشهير” بهم. هادو هدرو على قلقهم من “التهديد المستمر” بالسجن في سياق ملاحقات قضائية فيها شكوك كثيرة.
دفاع البكاري على افكارو كان ذكي بهدوء.
حنان رحاب اللي شاركات كممثلة عن النقابة الوطنية للصحافة المغربية دافعات على حرية التعبير فالمغرب والديموقراطية٬ حاولات دافع على وجهة نظرها. قالت كلام يبدو منسجما مع قناعاتها. شي وحدين بانت ليهم ما توفقاتش. المهم انها دافعات وما دخلاتش فمواجهة مع البكاري.
المشكلة لكبيرة كانت الصحافية فالقناة دنيا نوار اللي المسؤولة على التوتر. ما يمكنش شي وحدة بحالها تدعي الحياد والمهنية تجي وتاخد موقف قبلي.
من حقها دير هاد الشي ولكن خاصها تخبر الضيوف قبل. تقول ليهم راني مع هاد الجهة. ما توهمش اللي كيتفرج باللي محايدة.
الصحافية بنت طنجة مسؤولة على التوتر اللي حدث. عندها قناة ممكن تجي فبرنامج وتعبر على موقفها ولكن تجي فحلقة وتوهم كلشي باللي محايدة بين جوجت الاراء وتاخد موقف قبلي هادا سميتو الانحياز سميتو الضحك على المشاهدين. لقوالب يا اللي كتحلم تخدم عند الخليجيين. عند لخوانجية ديالهم القطريين
بحال هادي شوهة للقناة. ديرها بالفرنسية فنفس القناة وعلى موضوع كيهم فرانسا وتشوف اش يقدر يوقع ليها.
