عمـر المزيـن – كود الرباط//
الحموشي مهلي فناسو اللي كيعطيو حياتهم باش يواجهو الارهاب. كيغامرو فيها باش المغرب ما يقيسوش التدمير. هاد النهار قرر يدير ترقية استثنائية لعنصر “اف بي اي المغرب” اللي كان غادي يموت باش وقف هاد الصباح داعشي فتيفلت وتضرب فيدو
دابا هاد العنصر من اليوم طلع درجة على اللي فيها اليوم. ماشي غير هاد الشي. العلاج والطبيب والصبيطار والتدليك… ديال هاد العنصر غادية تكلف بيها المديرية.
اليوم كانت الاف بي اي المغرب علنات تفكيك خلية ارهابية خطيرة كانت كتوجد لضرب عدد من البلايص فبلادنا.
