رد محمود عبد المنعم كهربا، لاعب الفريق الأول بالنادي الأهلي على الاتهامات الموجهة لبيتسو موسيماني، المدير الفني للمارد الأحمر بإشراكه للاعبين في المباريات وفقًا لأهوائه وليس للمجهود المبذول في التدريبات.
وقال كهربا في تصريحات عبر قناة إم بي سي مصر:" (موسيماني بيحب ويكره ؟ اتعاملت معاه كتير.. السؤال صعب.. مقدرش أقول إنه بيحب ويكره ومش هقول برضو إنها معايير التدريب) ".
وأضاف:" (مش موضوعي عشان اتكلم فيه.. هو في النهاية المدير الفني بتاعي.. بس هقول اللي بيتدرب حلو بيلعب) " –قالها ضاحكًا بشدة- .
وتابع كهربا الذي اقترب من الرحيل عن الأهلي والانضمام لهاتيا سبور التركي الشتاء الجاري:" (أنا مبحبش اتكلم في الحاجات دي.. أنا بتمرن كويس وكفاية شهادة الخطيب فيا) ".
وواصل: "موسيماني لو حصل على بطولة دوري أبطال إفريقيا هذا الموسم يمكننا أن نقول عليه بأنه واحد من أعظم المدربين الذين مروا على تاريخ الأهلي"، قبل أن يكمل: "كنت أتمنى أن أتواجد في كأس العالم للأندية، ولكن الموضوع صعب بالفعل.. لن ألعب لو استمريت".
وأكمل:"لماذا لم أصبح النجم الأول في الأهلي ؟ لم أحصل على فرصتي كاملة، لن أحمل أحد المسئولية، ولكن هناك من يقول أنني لم أنجح مع الأهلي.. برغم أنه بالأرقام فأنا تمكنت من تسجيل وصناعة أهداف عديدة في عدد دقائق مشاركة قليل جدًا".
وأردف: "حصلت على 6 بطولات مع الأهلي وبرونزية كأس العالم للأندية، أنا نجحت بالنسبة لي، لكني لم أنجح مقارنةً بمستوى كهربا في المواسم الماضية".
وأتم: "لو حصلت على فرصتي كاملة كنت (هبقى في حتة تانية خالص، بس غصب عني.. مش حاسس بأي تقصير من نفسي، كنت بتدرب كويس والوقت اللي بنزله بعمل حاجة، والطبيعي إني العب.. حاسس إني مظلوم، بس مش هدخل الإحساس ده جوايا.. في النهاية دي كورة وده بيتي وهرجعله تاني) ".
