أحمد موسى يوجه رسالة إلى محمد صلاح: "بنشوفك مع ليفربول حاجة تاني"
أحمد موسى يوجه رسالة إلى محمد صلاح: "بنشوفك مع ليفربول حاجة تاني"
وجه الإعلامي أحمد موسى؛ رسالة إلى محمد صلاح نجم ليفربول وقائد المنتخب الوطني عقب الخسارة أمام نيجيريا بهدف نظيف في المباراة التي أقيمت بين الفريقين في إطار منافسات كأس الأمم الأفريقية.
وقال موسى خلال برنامج "على مسؤوليتي" المذاع على قناة "صدى البلد": "امبارح كأننا لسة في القاهرة ومشفناش امبارح لا محمد صلاح ولا مصطفى محمد؛ محمد صلاح مع ليفربول غير صلاح مع منتخبينا؛ هل ده أداء محمد صلاح مع ليفربول لا ".
وأضاف: "احنا بنشوفك مع ليفربول حاجة تانية خالص والفرصة اللي جاتلك ماتسجلها صحيح كان في عدم تعاون لكن أنت بتسجل من نص فرصة ومينفعش وأنت كابتن منتخب مصر نخرج من الدول الأول".
وتابع: "انت النهاردة أحسن من ميسي؛ يبقي عندي اللي أحسن من ميسى ومش غارف أفوز؟ أنت ككابتن للمنتخب عاجبك؟ اتكلمت مع اللاعبية ازاي؟ قلتلهم الـ 100 مليون زعلانين؟".
وأكمل: "أنا مش عايز تمثيل مشرف أنا عايز تمثيل حقيقي لبلدي؛ أنت عليك مسؤولية ترفع كأس البطولة ولو معملناش كدة يبقي أنت فشلت في قيادة منتخب مصر لأنك تصل للبطولة".
واختتم: "أحنا سبع مرات أبطال أفريقيا أجي النهاردة ألاقي نفسي خارج من الدول الأول؟ أنا بقولكم من بدري أنا مع المنتخب وبساند المنتخب ولو خرجتم من الدول الأول هيبقي عندكم مشكلة كبيرة كلكم".
