الحاجة مكة تكشف تفاصيل حوارها مع السيسي: "جيبالك 3 أمانات من أسوان"
الحاجة مكة تكشف تفاصيل حوارها مع السيسي: "جيبالك 3 أمانات من أسوان"
عبرت الحاجة مكة عبد المولي أقدم رائدة ريفية في مصر؛ عن سعادتها بتكريم الرئيس عبد الفتاح السيسي لها اليوم مؤكدة أن شعورها بالسعادة لا يمكن وصفة.
وقالت عبد المولى في مداخلة هاتفية مع برنامج "صالة التحرير" المذاع على قناة "صدى البلد": "قلت للرئيس أنا عايزة أجي عندك وقلتله في تلات أمانات جيباهم ليك من أسوان وهي أن السيدات عايزين يشوفوك وبيحبوك وبيدعولك وقلتله أنت معلقتش على الفيلم بتاعي؟ وقالي أنا هجيلك يا حاجة مكة".
وأضافت: "لما شفته قدام عيني كنت هطير من الفرحة ومش مصدقة؛ ولما قلتله عايزة أجيلك قالي تعالي وأنا قلتله لو جيت ومدخلونيش هيبقي في كلام تاني قالي تعالي".
وتابعت: "هو أول مخلص الكلام أنا قلتلة ياريس في تلات أمانات معايا والستات اللي يعرفوني بيقولولي كدة تروحي لوحدك متخدينيش معاكي قلتلهم لا الناس مقامات".
واختتمت: "أنا بقيت مشهورة على الأخر وكل اللي في القاعة بيقولوا ياحاجة مكة والناس اللي برة أنا كنت ماشية في الدعاية لما الرئيس اترشح وكنت بطلع الستات من البيوت عشان الانتخابات".
