مشادة بين صابرين وبسمة وهبة: "رامز جلال قال عليكي نملية"
مشادة بين صابرين وبسمة وهبة: "رامز جلال قال عليكي نملية"
دافعت الفنانة صابرين عن مشاركتها في برنامج رامز جلال مؤكدة أن الجمهور يرغب في مشاهدتها وأنها لا تشارك في هذه البرامج من أجل المال.
وقالت صابرين في مقابلة مع برنامج "العرافة" والذي تقدمه الإعلامية بسمة وهبة على قناة "المحور": "يعني أيه فلوس ومش فلوس؟ ليه دايما رابطين الحاجات دي بالفلوس؛ احنا مش بنسمع اللي بيقول عليه رامز وقلته متذيعش".
وأضافت: "أنا عملت رامز قلب الأسد مع رامز جلال وكل سنة كان بيبعتلي كنت بعرف؛ المرادي أنا أتاخدت خوانة أنا مقررتش خالص؛ أنا اتقالي فاندام؛ وأنا فرحت أن هعمل حاجة عالمية مع فاندام".
وتابعت موجهة حديثها إلى مقدمة البرنامج: "انتي برنامجك دة مقلب حرامية" لترد وهبة: "أنا برنامجي مقلب؛ أنت مش جاية على الكرسي دة وعارفة البرنامج أيه؟".
وأوضحت صابرين: "تجاوزات ايه في حقي؟ أية يعني قال الأكل والفتة والمحشي وبقت نمليه؟ ما أنا تخنف في الأخر وفي النهاية قال كوكب شرق التمثيل وأم كلثوم التمثيل صابرين" لترد وهبة: "كلمة نملية دي مفيهاش إهانة يا صابرين؟ إيه الفايدة أن أقولك كلام في الأول وبعدين أقولك كلمتين حلوين".
وأكملت: "أنا قابلة يعني أنتي مدايقة علشاني مش هتضايقيني في الحلقة" لترد وهبة: "هو أنا بهين الضيوف؛ أنا بسألك ومن حقك تقبلي أو ترفضي؛ نملية دي إهانة".
واختتمت: "هو مقالش حاجات تدين صابرين أمام أولادها؛ هو لا قال ست مش عارف أيه وقال حاجات وأنا فعلا سبت الفن وقعدت".
