عمرو أديب عن حادث فتاة المنصورة: القاتل مش مختل.. الجريمة بشعة ووحشية
عمرو أديب عن حادث فتاة المنصورة: القاتل مش مختل.. الجريمة بشعة ووحشية
علق الإعلامي عمرو أديب؛ على جريمة مقتل الطالبة نيرة أشرف على يد زميلها أمام أبواب جامعة المنصورة.
وقال أديب خلال برنامج "الحكاية" المذاع على قناة "أم بي سي مصر": "هذه الحادثة البشعة الوحشية؛ أمام جامعة المنصورة طعن وذبح طالبة في الفرقة الثالثة على يد زميل لها؛ شيء بشع وشيء عمل هزة نفسية في التجمع المصري".
وأضاف: "اللي أنا واقف قدامه بعض الملاحظات الغريبة شوية؛ الملاحظة الأولى أن لاقيت ناس ماسكة في فكرة هو ليه محدش لحقها؟ هو فين الأمن والأمان؟ مانت في أمريكا واحد بيجيب مدفع رشاش يقتل 20 يعني".
وتابع: "لاقيت ناس ماسكة في البنت؛ الله يرحمها ويقولك لابسة وعاملة؛ نفس الطريقة القذرة اللي موجودة وتحمل المسؤولية للبنت".
وأوضح: "ثم لقيت ناس تتكلم عن المسلسلات والأفلام والإعلام؛ والقاتل الحيوان اللي عمل الجريمة دي محدش أتكلم عنه ليه؟ دا ليس اختلال عقلي دا توحش ورغبة في الاقتناء والتحكم واحساس بالرفض كل دة خلاه يقدم على فعلته الدنيئة دي يا جماعة سموا الحاجات بأسمائها".
وأكمل: "دي جريمة قتل وبعدين أنا بهيب بالنيابة العامة أنها تتصدى لقلة الأدب الموجودة على السوشيال ميديا؛ اللي هو يقولك ايه مهيا البنت وسلوكها؛ دا تجيبه من أفاه مفيش فيها رأي دي".
واختتم: "تبدأ هناك قوة في النيابة العامة تتصدي للكلام دة؛ والتاني اللي يقولك لا يا جماعة دا كانت حاطط السكنية في جيبه وفجأة أدايق فقتلها".
