عمرو أديب يهاجم تصريحات أحد السياسيين حول مشاركة الإخوان في الحوار الوطني
عمرو أديب يهاجم تصريحات أحد السياسيين حول مشاركة الإخوان في الحوار الوطني
عبر الإعلامي عمرو أديب؛ عن استيائه من تصريحات أحد السياسيين المعارضين حول إمكانية قبول جماعة الإخوان الإرهابية في الحوار الوطني.
وقال أديب خلال برنامج "الحكاية" المذاع على قناة "أم بي سي مصر": "الحوار الوطني كل يوم أخبار جديدة وشفت الأمانة العامة أسماء نعرفها وناس نثق فيها وبعود مرة أخرى وأقول للناس عندنا أجازة العيد أدوا وقت شوية على ما كل حاجة تتظبط".
وأضاف: "في اهتمام بهذا الأمر ويشعر الناس أن هناك جدية في الحكاية؛ في التاريخ الحديث في مصر في حاجات من الأول تشوفها هزار والاعداد الجيد هو اللي يحافظ على الجدية".
وتابع: "لقيت حد الظاهر اتسأل يعني بيقولوله وهي ايه شروط الاخوان لحضور الحوار الوطني؟ فرد عليهم قالهم الأتي؛ لو الاخوان اعترفوا بدستور 2014 وقروا نبذ العنف أنا مش شايف مشكلة أنهم يجيوا؛ دا رد واحد وكلمة واحدة".
وأكمل: "أمال احنا عملنا الثورة دي ليه؟ العالم العربي دا كله نبذ الجماعة دي ليه؟ عشان نرجعهم تاني؟ على فكرة لو قلتلته كدة هيقولك حاضر وهو كان في برلمان مبارك وبيتمسكن لحد ما يتمكن هما طريقتهم كدة هيقولك أه أنا أنبذ العنف والسيسي رئيسي بس رجعني وطلعلي المرشد بتاعي وخيرت الشاطر وكل الشطار".
وواصل: "هي وصلت لكده يا جماعة؟ أنت لازم تعرف العدو بتاعك أيه؟ أنا عجزت يا جماعة من الكلام دة وأنا شفت الموضوع دة تلات مرات هو دلوقت في ألمانيا لما بيعملوا حوار وطني والا يتكلموا في حاجة بيروحوا يجيبوا النازيين؟".
واختتم: "انتوا مش شفتهوهم بيضربونا بالرصاص؟ العشرين أسم الموجودين في مصر اتشالوا من ليسته الإخوان؟ دول بيشتغلوا عن مين؟ هل دة تنظيم وطني حل؟".
