صبرى فواز: الجيل الجديد أحسن مننا.. و«مش هيجى زيه» جملة قاتلة
صبرى فواز: الجيل الجديد أحسن مننا.. و«مش هيجى زيه» جملة قاتلة
أكد الفنان صبري فواز، على عدم حبه لجملة "مش هيجي زيه"، فهو ضدها ويراها جملة قاتلة وتصادر على المستقبل، معقبا: “دايمًا هيجي أحسن ودايمًا في أحسن، والجيل بيبقى أحسن من اللي قبله، وكلمة مش هيجي زيه مصادرة للمستقبل ووحشة”.
وأضاف “فواز” خلال حواره مع الإعلامية قصواء الخلالي، مقدمة برنامج "في المساء مع قصواء"، على قناة "cbc": "الشباب اللي جاي أحلى بكتير مننا وسابقينا بكتير لكن إحنا مشهورين عنهم".
وعن الفنان خالد صالح، قال: "حبيبي، رحمه الله، كنا دايما نتوعد بعض إننا هنقطع بعض تمثيل وكنت أقوله هوريك التمثيل على حق ربنا، ودي حاجة معرفتش أعملها إلا مع خالد بس، وأخاف أعملها مع حد تاني ياخدها بحساسية ويزعل".
وعبر عن افتقاده لخالد صالح لأنه يحب اللعب بهذه الطريقة، متابعا: “كنا بنقدر قيمة بعض في التمثيل، وكنا بننكش بعض طول النهار، والمنطقة دي أنا مفتقدها وهي مش موجودة كتير، ربنا يرحمه”.
ووجه الفنان، التحية للمبادرة الرئاسية "حياة كريمة"، بسب مسرح "المواجهة والتجوال"، قائلا: "بيروح للقرى والأرياف وفي حاجات حلوة جدا، وشغف الأطفال حاجة تفرح جدا".
صبري فواز: ممكن أتنازل عن الفلوس
ولفت إلى أنه لا يقدم عملا فنيا يشبه أي عمل قدمه من قبل، متابعا: "أشعر أنه بُخل وخيانة للمهنة، بمعنى .. الله منحك الكثير فلماذا تقدم القليل؟".
وأوضح أن تقديم الجديد أمر رائع، بحيث لا يتوقع الجمهور ما سأقدمه لهم في المرة القادمة، لأن هذا لو حدث فإن الجمهور سينصرف عنك وسيمل منك.
واستكمل: "المال ليس الشاغل الأصلي بالنسبة لي، ولما بتزنق في تنازلات عشان الشغل بتبقى تنازلات في الفلوس، لكن لو الدور مش عاجبني أو شايف إني مش هقدم فيه جديد مش هعمله".
وأكد أنه ليس لديه أطماع، وطالما يعيش مستورا ويربي أبنائه ويعلمهم في المدارس والجامعات فهو لا يحتاج لشيء، مختتما: "لما أقدم تنازل فلوس مش هيعيبني في حاجة، لكن المفروض متنازلش في الشغل وقيمته، لأنه بيتحسب عليّ".
