كشف الإعلامي كريم حسن شحاتة عن أسباب رحيله عن قناة الزمالك بعد أيام قليلة من العمل بها منذ فترة.
وقال كريم شحاتة في تصريحات إذاعية اليوم الأحد "لا يمكن ان اعمل مع ادارة الزمالك الحالية بأي شكل من الأشكال، حتى لو في القناة".
وتابع "عملت في قناة الزمالك ورحلت بعد اسبوع واحد فقط، لم استطع اتعامل مع فكرة التعليمات والأسلوب المتبع هناك".
وأضاف "كانت التعليمات بتيجي انك لازم تقول حاجات معينة ولازم تطلع تشتم في المنافس، انا عن نفسي مش بتاع الكلام ده ومينفعش اعمل كدة".
وواصل "قنوات الأندية سبب من التعصب والتدهور، وكل نادي بيشتم في التاني وده بيكيد في ده، انا مش بتاع القنوات الفئوية".
وأختتم شحاتة "كنت مجبر اني اكون موجود في التوقيت ده في قناة الزمالك، وحصلت خناقات من اليوم الأول معايا علشان رفضت التعليمات واني انفذ الاسلوب ده ورغم المقابل المادي الكبير مشيت، وقعدت سنة ونص في البيت علشان موقفي من قناة الزمالك".