كشف إيهاب الكومي، عضو مجلس إدارة الاتحاد المصري لكرة القدم، عن تفاصيل البطولة الجديدة المقرر تدشينها بداية من الموسم المقبل بين أربعة فرق.
وقال الكومي خلال حديثه عبر قناة الشمس: "الناس فكرت ان البطولة الجديدة اللي هتبقى 4 أندية هتبقى بديل لـ بطولة السوبر، احنا عندنا السوبر اللي بين بطل الدوري وبطل الكاس دي بطولة مستقلة".
وأضاف: "لكن عندنا بطولة مستحدثة جديدة هنسميها النخبة هيشارك فيها الاول والتاني في الدوري بجانب بطل كأس مصر وبطل كأس الرابطة، ده بخلاف بطولة السوبر".
وأردف: "غالبا بطولة النخبة هتبقى في شهر أكتوبر القادم، الإمارات طالبة انها تكون عندها وقطر كمان طلبت، دي بطولة كويسة للتسويق والأندية الجماهيرية ممكن نلاقي الاتحاد بيشارك أو غزل المحلة، المصري، أو الإسماعيلي، ده اللي احنا بنسعى له الفترة الجاية".
وأتم الكومي حديثه: "توقيع عقوبة على الزمالك في البطولة الجديدة؟ دي هترجع لجلسة لجنة المسابقات، ده لسة هنقرره، لأن العقوبة هتكون في بطولة السوبر ما بين بطل الدوري وبطل الكأس".