كشف أحمد شوبير الإعلامي بقنوات أون تايم سبورتس، آخر تطورات الحالة الصحية للعامري فاروق نائب رئيس مجلس إدارة النادي الأهلي.
وقال شوبير خلال حديثه عبر إذاعة أون سبورت: "العمليات الجراحية توقفت، والأمور امبارح مكانتش متظبطة شوية لكن بلليل عاد الاستقرار المعقول وكل شوية بيخضع لإشاعات هو مش فايق خالص الدكاترة فكروا يشيلوا جهاز التنفس الصناعي وبعدين قالوا نأجل شوية كان اتشال وبعد ما الوعي قل شوية رجعوه تاني بعد العملية الجراحية".
وأضاف: "بيحاولوا يسحبوا المادة المخدرة من الجسم.. كل مرة بيقولوا 48 ساعة حرجة الدعوات لا تنقطع هناك استقرار لكنه استقرار حرج مش حالة تطمن نأمل في الله الأمور تبقى جيدة".
وعن زيارة رئيس الأهلي، قال شوبير: "كابتن محمود الخطيب شوفته قاعد ومعاه الدكتور اللي أجرى العملية للعامري وبيشرح للكابتن الخطيب الحالة بكل تفاصيلها".
وأكمل: "كابتن الخطيب بيطمن على السيد العامري فاروق كما لو كان شقيقه أو أبنه.. شكل الكابتن الخطيب مرهق قولتله أنت هتسافر ولا ايه قالي أنا عندي جمعية عمومية يوم 18 وبعدين قال خلينا نطمن الأول على العامري".
