عمرو أديب يوجه رسالة إلى محمود بدر: "متخليش الإخوان يستفزوك"
عمرو أديب يوجه رسالة إلى محمود بدر: "متخليش الإخوان يستفزوك"
علق الإعلامي عمرو أديب؛ على تغريدة النائب محمود بدر؛ عضو مجلس النواب والتي أبدى خلالها امتعاضه من عدم إظهار دوره في ثورة 30 يونيو خلال مسلسل الاختيار.
وقال أديب خلال برنامج "الحكاية" المذاع على قناة "أم بي سي مصر": "ابتدوا اليومين اللي فاتوا يسخنوا على محمود بدر؛ ويقولوا أيوا أشرب لا هو مبيشربش اللي بيقوم بدور وطني مش بيستني حاجة ومحمود أكيد مش مستني دة".
وأضاف: "محمود بقاله سنين بيخدم بلده وهو عضو مجلس نواب وبيخدم الدائرة بتاعته؛ مسلسل زي الاختيار فيه تفاصيل كتير تخلي تفاصيل تانية متظهرش".
وتابع: "احنا على الهواء طلعنا واتكلمنا عن تمرد واللي كان بيحرض ضدي كان عصام سلطان وكنا فاكرين أنه حد مهم لحد ما سمعنا التسريب بتاع الاختيار والاخوان كانوا بيقولوا عليه أنه محامي فاسد".
وأوضح: "يوم 30 يونيو كان عندي تحقيق وكان المحامي بتاعي دكتور محمد أبو شقة بقوله في تحقيق قالي تحقيق مين ياعم مترحش".
واختتم: "الواحد بيفتكر حاجات؛ وقتها مكنتش خايف دلوقت أنا خفت كنا بنعمل الحاجات دي ازاي؛ أنا بقول اخي محمود متزعلش ومتخليش الاخوان يستفزوك هما بس عايزين يطلعوا غيظهم من اللي عملته فيهم".
