ظلّ المنشط الاذاعي محمد بوصفيحة، المعروف بـ”مومو” منسجما في تصريحاته التي أدلى بها أمام الضابطة القضائية وكذا النيابة العامة حيث نفى اليوم الخميس أمام المحكمة خلال جلسة محاكمته أي علاقة تجمعه بالمتهمين الآخرين.
وقال مومو أمام المحكمة: ” أنا عندي برنامج كايبدى في رمضان من 2 حتى لخمسة، لأن هاد الوقت كايكون قبل لفطور وناس كايكونو شادين الطريق وسط الزحام كنرفهوا عليهم.. وهادي 15 يوم كنت داير موضوع ديال الحلقة هو التلفة في رمضان، وبالفعل تلقيت من عند ناس ديال الاستقبال، المستمع الأول والثاني والثالث والرابع هو مروان يالله بدا كيهضر شوية سمعنا شفار شفار.. أيفون أيفون وتقطع الخط”.
وتابع: “بقا فيا السيد وقلت انه إذا كان كايسمع لينا يعاود يجرب يتصل وغادي نعطيه تليفون، ومن بعد قلت للناس لي كانوا كايتصلوا بزاف عفاكم خليوا الفرصة لهاد مروان باش يشد ليه الخط بالفعل داكشي لي وقع عاود اتصل وهضرت معاه سولتوا على الواقعة وقلت ليه غدا جي تأخذ الهاتف ديالك”.
وقال مومو، أيضاً، “أنا ما تنعرف فيهم حتى واحد، وكل الناس الذين يتصلون من أجل المشاركة في البرنامج ويفوزون بالجوائز لا أعرفهم ولا ألتقيهم نهائياً وماشي أنا لي مكلف بإعطاء الجوائز إلا في بعض الحالات الاستثنائية بحال الواقعة لي عشناها”.
ولكن، -يقول مومو أمام المحكمة-: ” السؤال لي عندي ولي ضارني فراسي هو كيفاش عرف غنعطيه تليفون، أكيد أنه كايسمعني مزيان (يقصد المتهم المدعو أمين الرجاوي) وعرف ردة الفعل ديالي. حيث، من بعد، عندنا في الإذاعة بنك للمعلومات فيه الناس لي ربحوا في المسابقات ولي ربح كايكون ممنوع من المشاركة معنا لمدة 6 أشهر وأمين كان يشارك دائما وكيخبي الهوية ديالو ولا كايجيب شي واحد في بلاصتو، لأنه هناك مستمعين يشاركون في البرامج للفوز بالجوائز وكاين لي لاعبين محترفين كايخدموا فهادشي”.
بالنسبة لرفع وتيرة المشاهدات، أكد مومو على أن الهدف “ليس البوز. بل مواضيع ومسابقات باش نشكروا الناس على الوفاء ديالهم.. لا نبحث عن رفع المشاهدات.. هدفنا برمامج ترفيهي، ولست من شاركت الفيديو أو حطيتوا.. الاذاعة هي لي حطاتوا.. سحر صديقي نالت نسبة مشاهدة أضعاف منو.. اذن ليس هاجسي البوز”.
