أحمد موسى يطالب الحكومة بزيادة سعر توريد القمح: "المحاضر مش هتجيب حاجة"
أحمد موسى يطالب الحكومة بزيادة سعر توريد القمح: "المحاضر مش هتجيب حاجة"
أكد الإعلامي أحمد موسى؛ أن تهديد المزارعين باللجوء للوسائل القانونية من أجل توريد القمح أمر غير مفيد في الوقت الحالي مطالبا الحكومة بتغيير هذا الأسلوب.
وقال موسى خلال برنامج "على مسؤوليتي" المذاع على قناة "صدى البلد": "مينفعش أبدا أتكلم مع الناس كده؛ السيد رئيس الجمهورية بيعمل قرارات عفو كل يوم ومش عايز حد يبقى محبوس غير اللي أيده ملطخة بالدم".
وأضاف: "أنما نعمل جنحة ونشغل القضاء عشان أردب قمح؟ ليه مهو هيجيبهم والمزارعين هيودوا القمح؛ زودوا شوية السعر 860 زودوهم شوية خلوهم ألف أو 900 الفلوس دي تفيد المزارع".
وتابع: "موضوع الجنحة والمحاضر مش هتجيب حاجة؛ أنا عايز 6-7 مليون طن قمح؛ أنت بتجيب طن القمح من بكرة بكام؟ إذا أنا بدعم العيش هدعم 100 جنيه هتفرق كام معايا في موضوع القمح أولي والناس هتنبسط وتدعيلكم".
وأوضح: "في ناس بتقولك مهو أنا بشتري بالغالي؛ بتديله 10 كجم ردة ما أزوده 50 أو 100 جنيه تاني واحنا كمان حاجة بسيطة وصله إلى 900 جنيه ورقم الـ900 دة كنت أتكلمت فيه من شهرين".
واختتم: "الشعب المصري محترم؛ الشعب المصري طبطبة؛ سيادة الوزير دكتور علي من قرية زينا وأهالينا بيزعلوا لما تقوله هعملك محضر".
