نشأت الديهي يهاجم محمد رمضان: "الواد مبيعرفش يتكلم"
نشأت الديهي يهاجم محمد رمضان: "الواد مبيعرفش يتكلم"
هاجم الإعلامي نشأت الديهي؛ الممثل محمد رمضان على خلفية ادعاء الأخير الحجز على أمواله في البنوك على عكس الحقيقة.
وقال الديهي خلال برنامج "بالورقة والقلم" المذاع على قناة "تن": "واحد زي محمد رمضان بيتنك على الدولة طالع الراجل في منتهى التناكة والقرف يقول الدولة حجزت على فلوس؛ عبد الحليم حافظ وأحمد زكي معملهاش ومصر مش عايزة من حد حاجة.. مصر اللي عملاكم أنتوا بتنسوا نفسكم إنت واللي أنت فيه جاي من الجمهور".
وأضاف: "شوية موضوع الطيارة وفلوس مرمية وتطلع في برامج تدافع محمد رمضان كمورد خسارة؛ لية يخسرنا نفسه؛ الكلام اللي بيقوله يعاقب عليه القانون هو مش فاهم الواد مش فاهم الواد مبيعرفش يقول كلام ياجماعة".
وتابع: "دا قطاع مصرفي الدولة بتعمل شمول مالي وبتعمل عملية ربط الفلوس بالبنوك عشان الاقتصاد غير الرسمي الدولة بتحارب عشان تقوى القطاع المصري ويطلع واحد يقولك حجزوا على أموالي عايز تقول للناس القطاع المصرفي بيبلطج وتقولي عندي فلوس في البيت في كل الأحوال ربنا يوسع عالناس واللي عنده مليار يبقي عنده عشرة".
واختتم: "يا محمد هات واحد يعلمك تتكلم هات واحد بتاع اقتصاد أو بتاع علاقات عامة يقولك لو سمحت عشان تبقي فنان محترم إدي حق الناس؛ الراجل الطيار اللي مات اديله حقه دا تنفيذ حكم قضائي".
