عمرو أديب يوجه رسالة إلى المحامي فريد الديب
عمرو أديب يوجه رسالة إلى المحامي فريد الديب
عبر الإعلامي عمرو أديب؛ عن دهشته من نية المحامي الشهير فريد الديب؛ الترافع عن المتهم في قتل نيرة أشرف طالبة المنصورة.
وقال أديب خلال برنامج "الحكاية" المذاع على قناة "أم بي سي مصر": "عايز أوجه رسالة للأستاذ العظيم فريد الديب؛ المحامي الكبير اللي اسمه موجود في تاريخ القانون؛ من الأسماء المهمة اللي لو في تلات أربع محاميين كبار في مصر واحد منهم فريق الديب".
وأضاف: "بصراحة أنا مش فاهم هذا الحماس اللي عند الأستاذ فريد وطبعا هذا الحماس اللي ساعات تلاقيه مؤكد وساعات منفي؛ سواء كان عايز أو مش عايز؛ أنا عايز أسال أستاذ فريد؛ لماذا؟ أنت ليه عايز تدى تقل لهذا المتهم".
وتابع: "ايه التقل اللي فيه؟ أيه الظروف اللي مخلياك متعاطف؛ أنا لا أنفي حق المتهم أن يكون ليه محامي وعشرة وعشرين؛ أنما أستاذ فريد لماذا؟ هل أنت لسة بتدور على مجد؟ أنت حققت مجدك؛ انت أخدت في حياتك قضايا خلافية كثيرة أستاذ فريد الديب قد دافع عن جاسوس إسرائيلي؛ فاكر يوميها الجاسوس نفسه دخل على التليفون".
وأوضح: "أنا بسأل أستاذ فريد ليه؟ لا هي مجد ولا قيمة مادية؛ ايه الفكرة؟ احساسي اتأذي أنا حسيت باستفزاز للناس وانا بناشدك لو سمحت متخدش القضية دي؛ لما يبتدي فريد الديب يتكلم في المحكمة أنت بتحاول تهز قناعات في أيه".
وأكمل: "أنا لما أجيب محامي؛ نجاحه الوحيد أن هذا الشاب بدل ما ياخد حكم الإعدام ياخد 25 سنة؛ أنا بسأل أستاذ فريد وانت تعرف مدى حبي ليك؛ ليه؟ رياضة فكرية مثلا؟ أعملها في كتاب يا أخي؛ وبعدين هو رافض يقول إنه هياخد القضية والا لا".
واختتم: "هو يتحدث ويعطيك الإحساس أنه جاهز للوقوف أمام القاضي في هذه القضية؛ علمنا طيب لو انا محامي صغير أخد القضية دي ليه".
